სასტუმრო ,,რუმსში” არასამთავრობო სექტორისა და შეთანხმების დოკუმენტზე ხელმომწერი ოპოზიციური პარტიების შეხვედრა შედგა. საკონსულტაციო შეხვედრის დაწყებამდე ,,სტრატეგია აღმაშენებლის” ლიდერმა გიორგი ვაშაძემ აღნიშნა, რომ ემოციურ საუბრებს სჯობს საქმის კეთებაზე გადასვლა:
,,სამოქალაქო სექტორს აქვს ძალიან დიდი როლი ამ დოკუმენტის ხელმოწერაში.
განსაკუთრებით შემიძლია აღვნიშნო სასამართლოს რეფორმის მიმართულება -მართლმსაჯულება, ასევე საარჩევნო რეფორმა და სხვა საკითხები, რომლებიც აქ არის.
ყველა ამ თემაზე მათთან ერთად ვიმუშავებთ იმიტომ, რომ ემოციურ საუბრებს სჯობს გადავიდეთ საქმის კეთებაზე. ამ ყველაფერს იმპლემენტაცია უნდა.
დიდი იმედი მაქვს, რომ სამოქალაქო სექტორი აქტიურად იქნება ჩართული და მათთან ერთად ძალიან ბევრ რამეს გავაკეთებთ.
პატიმრობაში მყოფ ნიკა მელიაზე პასუხისმგებლობის გადაკისრება ამნისტიასთან დაკავშირებით არ არის მართებული და მე ვემიჯნები.
მე, როგორც ხელისმომწერი ერთ-ერთი ამ დოკუმენტზე, ვიღებ პასუხისმგებლობას ამნისტიის კანონთან დაკავშირებით“,- განაცხადა გიორგი ვაშაძემ.
ავტორი
ნინი ხიჯაკაძე
