“ამ გაუგებრობაში ჩემი ადგილი აღარაა” – სალომე სამადაშვილმა “ნაციონალური მოძრაობა დატოვა”

შეთანხმების დოკუმენტზე ხელის მოწერის შემდეგ, მის წინააღმდეგ გამოთქმულ მწვავე ნეგატიურ შეფასებებთან დაკავშირებით, სალომე სამადაშვილმა სოციალურ ქსელის მეშვეობით კონკრეტული პოზიცია დააფიქსირა და “ნაციონალური მოძრაობის” დატოვების თაობაზე განაცხადა:

“სასაცილოდ და ინფანტილურად გამოიყურება ენმ-ის პოზიცია – “მელიას გამოშვების გარეშე არ მოვაწერთ ხელს ამ დოკუმენტს მაგრამ სხვებმა მოაწერონ, მელია და რურუა გამოაშვებინონ, მერე, ვინც მოაწერს, იმათ “მოღალატეს” დავუძახებთ”.

ოღონდ, მელიას გამოსვლის შემდეგ, თვითონაც აპირებენ პარლამენტში შემოსვლას.

უხერხულია, მხოლოდ ამას ვიტყვი. ტალახს მაინც არ ვისვრი. ამ გაუგებრობაში ჩემი ადგილი აღარაა. წარმატებები,” – წერს ფეისბუქის პირად გვერდზე სალომე სამადაშვილი.