“ქართული ოცნების” ყოფილ წევრებთან, ამჟამად ოპოზიციაში მყოფ ცალკეულ პოლიტიკოსებთან, მათ შორის ეკა ბესელიასა და გედევან ფოფხაძესთან მიმართებაში ისაუბრა მედიაცენტრ “მთავარში” გამართულ ბრიფინგზე თბილისის საკრებულოს წევრმა, ვახტანგ შაქარიშვილმა და მათ რევანშისტული ძალების ბალასტი უწოდა:
“სააკაშვილის და რევანშისტული ძალების ბალასტად გადაქცეული ეგრედ წოდებული ოპოზიციონერები, რომლებიც ოპოზიციურ ერთობაში არანაირი კაპიტალით არ მონაწილეობენ. ერთადერთი ვინც ასეთ დავალებებს იძლევა, მათ პირდაპირ მოსთხოვეს საკუთარმა დამკვეთებმა – ნიკა გვარამიამ და მიხეილ სააკაშვილმა.
გადალახულია ყველანაირი ზღვარი ამ ადამიანების მხრიდან, რასაც აკეთებენ. მიხარია, თუ რამდენიმე ადამიანი სარკეში ჩავახედე, რადგან ისინი დღეს იქცნენ სააკაშვილისა და გვარამიას პოლიტიკური ვაქხანალიის მონაწილეებად, ეს არის ძალიან სამწუხარო, იმიტომ რომ მე, ისევე როგორც ძალიან ბევრ ადამიანს, ეს ადამიანები არ ემეტებოდა იმ მდგომარეობისთვის, რა მდგომარეობაშიც საკუთარი თავი ჩაიგდეს დღეს,” – განაცხადა ვახტანგ შაქარიშვილმა
ეკა ბესელიამ, ტვ პირველთან საუბრისას, საკმაოდ მწვავე პასუხი გასცა ვატო შაქარაშვილს:
“მე ვიცი, რომ ცოტა ხნის წინ მას ქონდა ფინანსური პრობლემები, როგორც ჩანს მისი კომფორტი და სულის გაყიდვა, იყიდეს იქ, სადაც გროშებს უხდიან ქართულ ოცნებაში. ის ჩემს ოჯახში შემოდიოდა, ჩემს ირგვლივ ტრიალებდა, მან კარგად იცის, რომ დედამიწაზე არ არსებობს არავინ, ვისაც ჩემზე ზეგავლენის მოხდენა შეუძლია. ამ პატარა ბიჭმა ვერც კი მოასწრო პოლიტიკაში გააზრება, ისე დაასრულა“, – განაცხადა ეკა ბესელიამ.
ავტორი
სალომე მჭედლიძე
