“არსად წასვლას არ ვაპირებ, არც პოლიტიკიდან წავალ” – გიორგი გახარია

18 თებერვალს მთავრობის მეთაურის პოსტის ერთგვარად სკანდალურად დატოვების შემდეგ, ჟურნალისტებთან პირველად ისაუბრა ყოფილმა პრემიერ-მინისტრმა. გიორგი გახარიამ, თავისი პოლიტიკური ინტერესის თაობაზე, განაცხადი გააკეთა და პირობაც დადო – “მალე შევხვდებით”:

“მიუხედავად იმისა, რომ უამრავი სხვადასხვა ჭორი დადიოდა, არსად წასვლას არ ვაპირებ – ეს ერთი. უფრო მეტიც – არც პოლიტიკიდან წავალ.

რეალურად, გეგმებს მივყვებით, ჩვენს დღის წესრიგს, რაც მოგვცემს იმის შესაძლებლობას და საშუალებას, რომ უახლოეს პერიოდში ყველაფერი დეტალურად გაგიზიაროთ და მოგიყვეთ. ეს არის, რისი თქმაც დღეს მინდოდა. დროებით, მალე შევხვდებით.

ყველა კითხვას, როგორც ყოველთვის, წარსულში, პასუხები გაეცემა,”- განუცხადა გიორგი გახარიამ.