პოლიტოლოგი, ექსპერტი გია ხუხაშვილი მედიაში გავრცელებულ აუდიოჩანაწერებთან დაკავშირებით, საზოგადოებაში გაჩენილი მწვავე შეფასებების ფონზე, მის ურთიერთობას იხსენებს ბერა ივანიშვილთან მიმართებაში, აღნიშნავს რომ იგი თავაზიანი და მოკრძალებული იყო და სინამდვილეში მათი მსხვერპლია, ვინც ბერას ხარჯზე საკუთარ ჭიას ახარებს:
“მე მასთან მქონდა ურთიერთობა ბევრი წლის წინ და შემიძლია გითხრათ, რომ ნამდვილად აღფრთოვანებული ვიყავი მისი თავაზიანობით, უფროსის პატივისცემით, მოკრძალებით. ამპარტავნების ნიშანწყალი არ იგრძნობოდა.
ვინც თითქოს მის ინტერესებს იცავდა და იცავს დღეს, სინამდვილეში მის ხარჯზე საკუთარ ჭიას ახარებს.
იმ სავარაუდო ინციდენტის მთავარი მსხვერპლი ის ვიღაც ბავშვი კი არა, თავად ბერაა…
დღესაც მძევლად ყავთ აყვანილი.
ამოსუნთქვის, დაფიქრების საშუალებას არ აძლევენ, რომ რაღაც შეცვალოს თავის ცხოვრებაში.
დაინახოს, რა “მოსულა” და რა არა…
გამუდმებით ჩაჰყვირიან ყურში – “ყველაფერი მოსულა ბერა, ყველაფერი…”, – წერს ფეისბუქის პირად გვერდზე გია ხუხაშვილი.
