ტვ “პირველის” ეთერში გასულ რეპორტაჟს, სადაც ფარული აუდიოჩანაწერები იყო გასაჯაროვებული, ეხმიანება პარტია “ქართული ოცნების” თავმჯდომარე. ირაკლი კობახიძე “ნაციონალური მოძრაობის” კრიტიკით გამოდის და მხარდაჭერას/პატივისცემას აფიქსირებს ირაკლი ღარიბაშვილისა და ბერა ივანიშვილისადმი:
“აშკარაა, რომ “ნაციონალური მოძრაობა” ვერ იშლის თავისას. უკანონო მოსმენა, ჩანაწერების ფაბრიკაცია, მორალური და ფიზიკური ძალადობა მათი ხელწერაა. ეს პარტია ვერ ამაღლდა და ვერც ვერასდროს ამაღლდება „კუდის” სიმაღლიდან, ანუ მორალური და პოლიტიკური ფსკერიდან.
მთავარია, რომ ქართული საზოგადოება კვლავაც კარგად არჩევს თეთრსა და შავს.
ჩემი პატივისცემა ღირსეულ პრემიერს, ირაკლი ღარიბაშვილს და ღირსეული ოჯახის ღირსეულ შვილს, ბერა ივანიშვილს!!!” – წერს ირაკლი კობახიძე ფეისბუქის საკუთარ გვერდზე.
