ჟურნალისტ ვახო სანაიაზე თავდასხმის ფაქტთან დაკავშირებით საპარლამენტო უმრავლესობის წევრის, დიპლომატ მაკა ბოჭორიშვილის გამონათქვამს ეხმიანება “სტრატეგია აღმაშენებლის” პოლიტსაბჭოს წევრი თეონა ჭალიძე და დეპუტატის პოზიციას ძალადობის წახალისებად მიიჩნევს:
“არც ჟურნალისტების მხრიდან გვაკლია სიძულვილის ენა“, – ამას ამბობს საპარლამენტო უმრავლესობის წევრი, დიპლომატი მაკა ბოჭორიშვილი ჟურნალისტ ვახო სანაიაზე თავდასხმის შეფასების დროს…
ქალბატონო მაკა თავს ცოტა ძალა დაატანეთ, სანამ რამეს იტყვით.
თუ გაუაზრებლად ამბობთ რამეს, ენის წინ კბილები იმიტომაა რომ დააჭიროთ, ჯერ დაფიქრდეთ და მერე თქვათ. ხოლო თუ ამას გააზრებულად ამბობთ, სწორედ თქვენ ახალისებთ სიძულვილის ენას და ძალადობას და ხართ უპასუხისმგებლო!” – წერს ფეისბუქის პირად გვერდზე თეონა ჭალიძე.
