უმნიშვნელოვანესია ოპოზიცია შევთანხმდეთ, რომ არ შევუქმნით კოალიციას იმ ძალას, რომელმაც 8 წლის განმავლობაში ჩამოშალა ყველაფერი, რისი ჩამოშლაც შეიძლებოდა – ნიკა მელია

„ერთიანი ნაციონალური მოძრაობის“ პოლიტსაბჭოს თავმჯდომარემ დედაქალაქში საერთო ოპოზიციური კანდიდატების წარდგენასთან დაკავშირებით კომენტარი გააკეთა და განაცხადა, რომ დიდუბე-ჩუღურეთისა და საბურთალოს ოლქებში „ნაციონალური მოძრაობა“ კანდიდატს არ წამოაყენებს, რადგან ოპოზიციამ ღირსეული კანდიდატები წარადგინა:

“ნაციონალური მოძრაობის სახელით შემიძლია მკაფიოდ ვთქვა, რომ დიდუბე-ჩუღურეთის რაიონში მხარს ვუჭერთ ოპოზიციის საერთო მაჟორიტარობის კანდიდატ ზურაბ ჯაფარიძეს, ხოლო საბურთალოს რაიონში, ვინაიდან ოპოზიციიდან ბევრი ღისრეული კანდიდატია წარმოდგენილი, ნაციონალური მოძრაობა კანდიდატს არ წარადგენს.

უმნიშვნელოვანესია, ამის შემდეგ, ყველა ოპოზიციურმა პარტიამ ხელი მოვაწეროთ დეკლარაციას, რის მიხედვით, არ შევუქმნით კოალიციას იმ ძალას, რომელმაც 8 წლის განმავლობაში ჩამოშალა ყველაფერი, რისი ჩამოშლაც შეიძლებოდა – ეკონომიკით დაწყებული, უსაფრთხოებით გაგრძელებული და უბრალოდ, ადამიანებში განვითარების იმედიც კი ჩაკლა,” – აცხადებს ნიკა მელია.