რამდენიმე წუთის წინ სოციალურ ქსელში ნიკა გვარამიას ანონსი გავრცელდა, სადაც იუწყება, რომ “ერთიან ნაციონალურ მოძრაობასა” და “ევროპულ საქართველოს” შორის მიმდინარე დაპირისპირება “მთავარი არხის” ეთერში დებატებში იქნება განხილული:
“სამშაბათს, შვებულებაში გასული ეკა კვესიტაძის “ღამის მთავარი”-ს ნაცვლად, ეთერში კვლავ მუდმივად უშვებულებო ნიკა გვარამიას “მთავარი აქცენტები” გავა.
მინდა ეთერში სადებატოდ “მოვიწვიო ერთიანი ნაციონალური მოძრაობა” და “ევროპული საქართველო”. თემა: რ2ის ეთერში გაკეთებული დავით ბაქრაძის განცხადება მიხეილ სააკაშვილის შესაძლო პრემიერობასთან დაკავშირებით და ამას მოყოლილი რეაქციები ორივე პარტიის მხრიდან.
იმედს ვიტოვებ, დებატები შედგება. არგუმენტი, რომ შექმნილ ვითარებაში ოპოზიციური პარტიების დაპირისპირება არამიზანშეწონილია, არ მიმაჩნია ვალიდურად. დაპირისპირება უკვე მიმდინარეობს და დებატები, ჩემი აზრით, უფრო მეტ სიცხადეს შესძენს ვითარებას. ეთერი ბოლობოლო იმაზე შეთანხმებით მაინც დასრულდება, რომ მხარეები ვერ შეთანხმდნენ და საკუთარ აზრზე დარჩნენ,” – წერს ფეისბუქის პირად გვერდზე ნიკა გვარამია.
ავტორი
თამუნა მახარაშვილი
