ჩვენი მთავარი დიდგორი ეს არის სამუშაო ადგილები, ეკონომიკური სიდუხჭირე და ქვეყნის ტერიტორიული მთლიანობა – ეს განცხადება “სტრატეგია აღმაშენებლის” ერთ-ერთმა დამფუძნებელმა, გიორგი თევდორაძემ ქუთაისში პარტიის 5-პუნქტიანი გეგმის პრეზენტაციაზე გააკეთა. თევდორაძემ თანაქალაქელებს დიდგორობა მიულოცა და აღნიშნა, რომ თავდაუზოგავი შრომითა და ერთად დგომით ყველა სტრატეგიული გეგმის განხორციელება შესაძლებელია:
„დღევანდელი დღე ძალინ ნიშანდობრივია ქართული ცნობიერებისათვის, რადგან დიდგორის ომი ქართული სახელმწიფოს წარმატებისა და გამარჯვების დღეა. ეს წარმატება იოლად არ მოსულა, ამას დასჭირდა დიდი შრომა და თანმიმდევრული პოლიტიკა, რასაც დავით აღმაშენებელი ახორციელებდა.
დავით მეფის მოღვაწეობა დაკავშირებულია ქუთაისთან, ამიტომ სიმბოლურია, რომ „სტრატეგია აღმაშენებლის“ გუნდმა აქედან წარდგინოს თავი. მიმაჩნია, რომ ერთად დგომით ყველფერს შევძლებთ,“ – განაცხადა გიორგი თევდორაძემ.
ლიკა დევდარიანი
სააგენტო “პარალელის”
რეგიონალური კორესპონდენტი
