საქართველოს ეკონომიკისა და მდგრადი განვითარების მინისტრმა ნათია თურნავამ დღეს მესტიის მუნიციპალიტეტის ჩაკეტვაზე ისაუბრა და აღნიშნა, რომ იქ ჩარჩენილ ტურისტებს და მოქალაქეებს მთავრობა აქტიურად ეკონტაქტება და ყველაფერი კეთდება იმისთვის, რომ გეგმაზომიერად მოხდეს მათი საკარანტინე სივრცეებში გადაყვანა:
“მოსახლეობასთან საუბრისას, ჩვენ ყოველთვის ვიმეორებთ, რომ კოვიდი არსად გამქრალა და ეპიდემია არ დაგვიმარცხებია. ჩვენ ვისწავლეთ ეპიდემიის ეფექტური მართვა. მესტიაში უკვე შევარჩიეთ 20 სასტუმრო, აღვრიცხეთ ვიზიტორები და ყველაფერს ვაკეთებთ იმისთვის, რომ საკარანტინო სივრცეებში მათი გეგმაზომიერი გადაყვანა მოხდეს. საკარანტინო სივრცეები მოეწყო როგორც უშუალოდ მესტიის მუნიციპალიტეტში, ასევე დანარჩენ საქართველოშიც გვაქვს საკმარისი რესურსი ამისთვის,“ – განაცხადა ნათია თურნავამ
ცნობისთვის, მაღალი ეპიდემიოლოგიური საფრთხიდან გამომდინარე, გუშინ საკოორდინაციო საბჭომ მესტიის მუნიციპალიტეტის და რამდენიმე სოფლის ჩაკეტვის შესახებ გადაწყვეტილება მიიღო, ეს კი მას შემდეგ მოხდა, რაც მესტიის სოფელ ლენჯერის თემში ერთი ოჯახის 17 წევრს კორონავირუსის ინფექცია დაუდასტურდა.
ავტორი
მახო ზავრაშვილი
” – თემურ ჯანაშია
დიდია შენი წვლილი ამ რეზოლუციის მიღებაში, სადაც ერთ-ერთი პუნქტი მიხეილ სააკაშვილის...