პედაგოგი ლია ჩხენკელი გიორგი შაქარაშვილის მკვლელობასთან დაკავშირებით „მთავარი არხის“ გვერდზე მიმდინარე გადაცემის დროს, კომენტარებში წერს, რომ ამ მკვლელობას ამხელა გამოხმაურება არ უნდა მოჰყოლოდა:
„ამდენი ამბავი რა საჭირო იყო ამ უწიგნური ბავშვის მკვლელობასთან დაკავშირებით,“ – წერს ლია ჩხენკელი.
კომენტარმა საზოგადოების უკიდურესი აღშფოთება გამოიწვია.
სოციალურ ქსელში გაჟღერდა ვერსია, რომ პედაგოგს სიტყვა „უწიგნურის“ ნაცვლად, სიტყვა „უწყინარის“ დაწერა სურდა, თუმცა სიტყვა ტელეფონით ავტომატურად ჩანაცვლდა.
ამ ვერსიას არ იზიარებს ჟურნალისტი ბაკურ სვანიძე, რომელიც საკუთარ სოციალურ ქსელში ამ შემთხვევას ეხმაურება.
“უ წ ყ ი ნ ა რ ი ს” ნაცვლად “უ წ ი გ ნ უ რ ი” დაწერა არა კვატი! მაშინ თავიდან რატომ თქვა “ვ ი ნ ა ნ ი ე ბ ო”? რას ინანიებდა? მ ა ნ ი ა კ ი “ნაცია” ეგ ქალი! ან “უწყინარიც” რომ ყოფილიყო “ამდენი ამბავი რა საჭირო იყო” – რა ლაპარაკია? არ უნდა ამტყარიყო ამბავი? მთლიანად მთელი მისი პოსტი ა გ რ ე ს ი უ ლ ი ა,“ – წერს ბაკურ სვანიძე.
აღსანიშნავია, რომ საზოგადოების მწვავე, უარყოფითი რეაქციის შემდეგ, ლია ჩხენკელის ფეისბუქის გვერდი სოციალურ ქსელში აღარ იძებნება…
ავტორი
ეკა ქაჩლიშვილი
