საქართველოს პრემიერ-მინისტრი აშშ-ის კონგრესის წარმომადგენელთა პალატის მიერ მიღებულ კანონპროექტს არასასიამოვნოს უწოდებს, მაგრამ აღნიშნავს, რომ საქართველო განაგრძობს პროგრესირებას და დემოკრატიზაციის პროცესს არაფერი ემუქრება, რასაც საერთაშორისო კოლეგები კარგად ხედავენ:
„მოგეხსენებათ, ჯერ-ჯერობით, ეს არის საკანონმდებლო ინიციატივა, რომელიც კომიტეტებს გადის. რა თქმა უნდა, არაფერი სასიამოვნო ამაში არ არის. მიუხედავად იმ პუნქტებისა, რომლებიც იქ არის ჩამოთვლილი, ჩვენ ყველა ვხედავთ, რომ საქართველო მუდმივად პროგრესირებს და ეს ჩვენმა კოლეგებმა ძალიან კარგად იციან.
ჩვენ ეს უნდა მოვისმინოთ და გავაგრძელოთ დემოკრატიზაციის პროცესი ისე, როგორც ვაკეთებდით აქამდე. საქართველოს პროგრესსა და ევროინტეგრაციას არაფერი არ ემუქრება .
როგორც ჩანს, წინასაარჩევნო მაღალი პოლიტიკური ტემპერატურა, ქვეყნის გარეთაც გადის. მოგეხსენებათ, რომ ასეთი ბევრი შემთხვევა იყო, ზუსტად მსგავსი ინტერპრეტაციები მახსოვს, როცა საუბარი იყო კონსტიტურიურ ცვლილებებზე საარჩევნო სისტემასთან დაკავშირებით, მაგრამ, ყველას კარგად გვახსოვს, რომ ამ ცვლილების შემდეგ, ჩვენი საერთაშორისო პარტნიორების შეფასებები იყო შესანიშნავი. მათ ძალიან კარგად დაინახეს, რომ ქართული დემოკრატია პროგრესირებს,“ – აცხადებს გიორგი გახარია.
ავტორი
ეკა ქაჩლიშვილი
