”ევროპული საქართველოს” ერთ-ერთმა ლიდერმა, პარლამენტარმა ირმა ნადირაშვილმა დღეს საქართელოს პროკურატურის ნაკლოვანებებზე ისაუბრა და აღნიშნა, რომ უწყება “ქართული ოცნების” პოლიტიკურ იარაღს წარმოადგენს და იძიებს მხოლოდ იმ საქმეებს, რომელიც ხელისუფლებას აწყობს:
“საქართველოში არ არსებობს ნდობა პროკურატურის მიმართ, რადგანაც საზოგადოებაში არის აღქმა, რომ პროკურატურა არის პოლიტიკური იარაღი “ქართული ოცნების” ხელში. პროკურატურა იძიებს მხოლოდ ისეთ საკითხებს, რომელიც “ქართული ოცნების” პოლიტიკურ ინტერესშია და თაროზე დებს ყველა იმ საქმეს, რომელიც მათ პოლიტიკურად არ აწყობთ.
ამის ბევრი მაგალითი არსებობს – მაჩალიკაშვილის საქმე, აფგან მუხთარლის საქმე, სარალიძის საქმე, რომელთა გამოძიებასაც დიდი საზოგადოებრივი ზეწოლა და საგამოძიებო კომისიის ჩართულობა დასჭირდა. შესაბამისად არ არსებობს ნდობა პროკურატურის მიმართ იმიტომ, რომ საქმეების შემოწყობა თაროზე საჭიროების მიხედვით ხდება, პოლიტიკური მიზანშეწონილობიდან გამომდინარე,” – განაცხადა ირმა ნადირაშვილმა.
ავტორი
მახო ზავრაშვილი
