ქუთაისის ინფექციურ კლინიკაში კორონავირუსის დიაგნოზით კიდევ ერთი პაციენტი მოათავსეს. 68 წლის ეთნიკურად აზერბაიჯანელი მამაკაცი წყალტუბოს საკარანტინე ზონიდან დღეს, გამთენიისას გადმოიყვანეს. ის საქართველოს მოქალაქეა და მას აზერბაიჯანში მოგზაურობის ისტორია აქვს.
კლინიკის მთავრი ექიმის, თეიმურაზ ნადირაძის თქმით, პაციენტს შესაბამისი გამოკვლევები უკვე ჩაუტარდა. ამ ეტაპზე მისი მდგომარეობა დამაკმაყოფილებელია და მკურნალობას „ლჯ და კომპანია“ -ში განაგრძობს.
შეგახსენებთ, ამ დროისათვის ქუთაისისი ინფექციურ კლინიკაში სტაციონარულ მკურნალობას სულ 3 პაციენტი გადის, 41-მა გამოჯანმრთლებულმა კი კლინიკა უკვე დატოვა.
ლიკა დევდარიანი
სააგენტო “პარალელის”
რეგიონალური კორესპონდენტი
კომენტარები - დატოვეთ თქვენი მოსაზრება
