ტელე-რადიო კომპანია „თრიალეთი“ ინფორმაციას ავრცელებს 2026 წლის 30 ივნისს ქალაქ გორში გამართული საჯარო აქციასთან დაკავშირებით – “ერთი წელი ხელისუფლების ზეწოლის ქვეშ”:
“ქალაქ გორში, კინოთეატრ „გამარჯვების“ წინ გაიმართა ტელე-რადიო კომპანია „თრიალეთის“ მხარდამჭერი აქცია.
აქცია მიეძღვნა ერთი წლის გასვლას იმ დღიდან, როდესაც, „თრიალეთის“ მიმართ ფინანსური და ადმინისტრაციული ზეწოლა დაიწყო.
აქციის მონაწილეებმა მიიღეს რეზოლუცია, რომლითაც საქართველოს ხელისუფლებას მოუწოდეს:
-
შეწყდეს ტელე-რადიო კომპანია „თრიალეთზე“ ზეწოლა;
-
უზრუნველყოფილი იყოს კანონის წინაშე თანასწორობა და სამართლიანი მოპყრობა;
-
დაცული იყოს მედიის თავისუფლება და დამოუკიდებელი მედიის საქმიანობის პირობები.
ღონისძიებაზე სიტყვით გამოვიდნენ პოლიტიკოსები, ჟურნალისტები, სამოქალაქო საზოგადოების წარმომადგენლები და „თრიალეთის“ მხარდამჭერები, რომლებმაც კიდევ ერთხელ გაუსვეს ხაზი დამოუკიდებელი მედიის არსებობის მნიშვნელობას დემოკრატიული საზოგადოების განვითარებისთვის“, – ნათქვამია გავრცელებულ ინფორმაციაში.
