“რეჟიმმა განაჩენი გაუტეხლობას გამოუტანა და არა დანაშაულს, იმიტომ რომ მას გაუტეხლობა ამარცხებს და არა პრეზიდენტის სასახლის მოგლეჯილი ღობე” – თამარ ჩერგოლეიშვილი

4 ოქტომბრისა და სხვა საქმეებთან დაკავშირებით განაჩენების გამოტანას, კონკრეტული შეფასებებით, ეხმაურება პარტია “ფედერალისტების” ერთ-ერთი ლიდერი თამარ ჩერგოლეიშვილი:

“ჩიხში შესული რეჟიმის ამოცანა მარტივია.

მას სჭირდება საზოგადოების გატეხვა და დამორჩილება იმისთვის, რომ დასავლეთს ალიევივით, ან ლუკაშენკოსავით “დაულაგდეს” და შერყეული ძალაუფლება შეინარჩუნოს.

ამიტომ ვისაც ტეხს, იმის მიმართ მოწყალებას იჩენს, ხოლო გაუტეხლებს სასტიკად ექცევა.

გაუტეხლობის მაგალითებია მზია, ელენე, დღეს მსჯავრდებული მოქალაქეები და ბევრი სხვა სინდისის პატიმარი!

რეჟიმმა განაჩენი გაუტეხლობას გამოუტანა და არა დანაშაულს, იმიტომ რომ მას გაუტეხლობა ამარცხებს და არა პრეზიდენტის სასახლის მოგლეჯილი ღობე“, – წერს თამარ ჩერგოლეიშვილი სოციალურ ქსელში.