“ქართული ოცნების” საპატიო თავმჯდომარის, ბიძინა ივანიშვილთან (და სხვებთან) დაკავშირებით კონკრეტულ შეფასებებსა და მინიშნებებს აკეთებს პოლიტიკური ფილოსოფიის დოქტორი, ანალიტიკოსი არჩილ გამზარდია:
“ბიძინა ივანიშვილს აქვს უნიკალური თვისება – ის, ვინც მის გვერდით პატივს დათანხმდება, თან უარს არ ეტყვის, მისცემს ამ პატივს, შეიფუთავს, წარადგენს, შეუქმნის ძალაუფლების ილუზიას და პარალელურად, ისეთს ათქმევინებს და გააკეთებინებს, ძირსვე დაანარცხებს, ამოგანგლავს და მიაგდებს ტალახიან “მეფურობას”, რადგან არ შეიძლება ვინმეს ჰქონდეს ბიძინაზე მეტი არც ძალაუფლება, არც ავტორიტეტი და თუ თავად საკმარისი სახელი არ აქვს, ნებისმიერ პატივცემულ გვამს კიდევ უფრო ნაკლები სახელი უნდა ჰქონდეს, რომ ძალაუფლების ილუზია ძალაუფლების განცდაში არ აერიოს.
არ დაგვავიწყდეს, ეს ჩვენთვის არსებობენ პატრიარქები, პრემიერები, პრეზიდენტები. ბიძინა ივანიშვილისთვის კი თითოეული მათგანი არის არავინ, პერსონაჟი, რომელსაც რაღაც როლი გადაუგდო თავისივე სერიალში და როგორც პერსონაჟი არავინაა სინამდვილეში, ისე არავინაა ბიძინასთვის არც პატრიარქი, არც პრემიერი, არც პრეზიდენტი და არც სხვა.
პატრიარქობის პირველივე წირვაზე მიუჩინა ბიძინა ივანიშვილმა ადგილი პატრიარქ შიოს, განუსაზღვრა ჩარჩო, რა თქვას, რა გააკეთოს, ვინ ცნოს და ვინ არ ცნოს პატრიარქმა და იქვე გააფრთხილა, გქონდეს ეგ თაყვანი და იყავი მოჩვენებითი კერპი, მაგრამ არ დაიჯერო, თორემ ძვირად დაამთავრებ, რადგან ეგ სხვებისათვის ხარ პატრიარქი, ბიძინა ივანიშვილისთვის კი მხოლოდ პერსონაჟი, რომელსაც რასაც უნდა იმას უზამს“, – წერს არჩილ გამზარდია სოციალურ ქსელში.
