სომხეთში გამართულ ევროპის პოლიტიკური თანამეგობრობის (EPC) მე-8 სამიტზე მთავრობის მეთაურის, ირაკლი კობახიძის მონაწილეობას და მის შეხვედრას უკრაინის პრეზიდენტ ვოლოდიმირ ზელენსკისთან თუ სხვა პირებთან, კონკრეტული შეფასება-განმარტებებით ეხმაურება პოლიტიკური ფილოსოფიის დოქტორი, ანალიტიკოსი არჩილ გამზარდია:
“სავსებით დამაჯერებლად მივიჩნევ იმ ვარაუდს, რომ ზელენსკის ინიციატივით მოხერხდა შეხვედრა კობახიძესთან და იმ ვარაუდებსაც, რომ სხვებსაც შესაძლოა ჰქონდეთ სურვილი საქართველოს პრემიერთან შეხვედრის, რადგან წლებია ყველა ცდილობს საქართველოს მმართველ სივრცესთან ნორმალურ ურთიერთობას და საქართველოს მმართველი სივრცე ატრიალებს პროცესს ამ ყველაფრის საწინააღმდეგოდ.
ქედმაღლური დამოკიდებულება ხელისუფლების მოწინააღმდეგეებისგან არც ისე სწორია, პირიქით, უნდა ვეცადოთ რომ საქართველოს ხელისუფლებაზე ვიმოქმედოთ იმგვარად, ხელი შევუწყოთ დასავლეთთან ურთიერთობის გაუმჯობესების დღის წესრიგის შექმნას.
შექმნას იმიტომ ვწერ, რომ საქართველოს ხელისუფლებამ სახელმწიფოს გამოხატვის შიდა თუ გარე პოლიტიკური სახე დიდი ხანია ავტოკრატულ-ტოტალიტარულ და ანტიევროპულ კონგლომერაციად აქცია.
შესაბამისად, ნომინალური დემოკრატიის შექმნა და დასავლური ორიენტირი პრაქტიკულად ხელახლაა დასაწყები“, – წერს არჩილ გამზარდია ფეისბუქის პირად გვერდზე.
