საქართველოს პროკურატურამ გიგა ავალიანის მკვლელობის საქმეში მონაწილე არასრულწლოვნების მიერ ადრე ჩადენილი დანაშაულების ფაქტები გაავრცელა და ბრალდებულებს ბრალი დაუმძიმა, რასაც ემოციური შეფასებებით ეხმაურება ტელეკომპანია “კავკასიას” გენერალური დირექტორი, ნინო ჯანგირაშვილი:
“მხოლოდ გაბედულ ადამიანებს შეუძლიათ დიდი ძვრების მოხდენა და სხვა ადამიანების გადარჩენა.
რომ არა გიგა ავალიანის დედა, ნაძირლების ბანდა დაუსჯელი დარჩებოდა და ხვალ კიდევ სხვას მოკლავდა იმიტომ, რომ ყველა დუმდა ამ ძალადობაზე, სანამ გიგა ავალიანი არ მოკლეს.
განავრცეთ ახლა ეს უმძიმესი ტრაგედია ყველაფერზე, განათლებაზე, ხელოვნებაზე, პროტესტზე, საბავშვო ბაღებზე, საშინაო პოლიტიკაზე, საგარეო პოლიტიკაზე,სპორტზე, რა ვიცი, ყველაფერზე, და მიხვდებით, რომ ყველაზე დიდი ბოროტმოქმედები სოროში შემძვრალი და დინებაზე მოტივტივე არსებები არიან“, – წერს ნინო ჯანგირაშვილი სოციალურ ქსელში.
