პარტია “ფედერალისტების” ერთ-ერთ ლიდერი, თბილისის ორგანიზაციის ხელმძღვანელი, თამარ ჩერგოლეიშვილი ქვეყანაში შექმნილ რეალობაზე საუბრობს და უსამართლობაზე ამახვილებს ყურადღებას, რაც, მისი აზრით, ადამიანებში სიძულვილის გრძნობის განგრძობადობას იწვევს:
“ივანიშვილის რეჟიმთან ერთად, სიძულვილიც დასრულდება, ცოტა ხნით მაინც.
ძაან ამწარებენ უდანაშაულო ადამიანებს.
ის ბავშვი ხომ გაიზრდება, მამამისი რომ 7 თვე არ ყავდა ნანახი იმიტომ რომ მამამისმა წულუკიანი არ ნახა?
ხომ გაიაზრებს, რომ ციხიდან გამოსვლის მეორე დღესვე, გირაოს დილემა დაუყენეს და ისევ იჭერენ?
ვინც ძალაუფლებასთან ახლოს არ ყოფილხართ, ვერ ხედავთ იმ პერსპექტივიდან ამ სიძულვილს, საიდანაც მე ვხედავ.
ვერ წარმოიდგენთ რამდენ ხანს მიყვებათ ადამიანებს უსამართლობით გამოწვეული სიძულვილი ყველას მიმართ, ვისაც ამ უსამართლობის მონაწილედ ხედავენ (იმის მიუხედავად, რეალურად იყვნენ, თუ არა).
ვერ წარმოიდგენთ ეს სიძულვილი როგორ აბრმავებს და ახეიბრებს საზოგადოებას და როგორ აფერხებს წინსვლას – ყველას წინსვლას.
რეჟიმის ცვლილებიდან პირველივე ას დღეში ნაფიცი მსაჯულები გაფართოვდება ყველა სისხლის სამართლის საქმეზე და მოგვიანებით – ყველაფერზე, გარდა მცირე საქმეებისა. იმსაჯულებს “სინდისი ერისა და არა ჩინოვნიკისა”.
დარწმუნებით ვამბობ, იმიტომ რომ ვერ მოხდება ცვლილება იქამდე, სანამ ისე არ მოხდება რასაც ჩვენ – ფედერალისტები ვიძახით“, – წერს თამარ ჩერგოლეიშვილი სოციალურ ქსელში.
