“რაც გადის დრო და ხანი, მით უფრო მითავისუფლდება გული და მით უფრო ვაღიარებ შენს ჯიუტ ბრძოლას…” – მურმან დუმბაძე მიხეილ სააკაშვილს

საქართველოს მე-3 პრეზიდენტს, მიხეილ სააკაშვილს, კონკრეტული ფაქტების გახსენებით, ემოციურად ულოცავს დაბადების დღეს ერთ დროს მისი აქტიური მოწინააღმდეგე და ოპონენტი, ოპოზიციონერი პოლიტიკოსი მურმან დუმბაძე:

“რაც გადის დრო და ხანი, მით უფრო მითავისუფლდება გული და მით უფრო ვაღიარებ შენს ჯიუტ ბრძოლას:

– ღარიბების მხარში დგომისათვის;
– კეთილდღეობის მატებისათვის;
– კორუფციის აღმოფხვრისათვის;
– კრიმინალის დამარცხებისათვის;
– განათლებისა და განათლებულების პატივისცემისათვის;
– მეგობრებისა და პარტნიორების მომრავლებისათვის;
– ერის საგარეო ინტერესების ზრუნვისათვის;
– ოპოზიციისათვის ხელისუფლებისაკენ გზის გახსნისათვის (შენი ყველაზე დიდი დამსახურება!);
– სამოქალაქო საზოგადოების სახის შეცვლისათვის.

…

და კიდევ ბევრი შენი დიდი და წვრილმანი საქმეებისათვის, შენი დაუოკებელი ჟინისთვის დაბრკოლებათა გადალახვისათვის.

…და ერთ დღესაც ბრძოლის ეს შენი სიჯიუტე შევაჩერეთ…
(ჩემი პირადი, პერსონალური წვლილიცაა შენს ტყვეობაში. კიდევ ერთხელ ბოდიში. მჯერა, მუდამ ასე ვერ იქნება).

დაბადების დღეს გილოცავ მიშა“, – წერს მურმან დუმბაძე სოციალურ ქსელში.