პარლამენტის საკანონდებლო ინიციატივას, – ცვლილებებს “შეკრებისა და მანიფესტაციების” კანონში, საპროტესტო აქციების მონაწილეთა მიმართ მძიმე შეფასებებით, ეხმიანება ანალიტიკოსი ზაალ ანჯაფარიძე:
“ამასწინათ, ქუჩის გადაკეტვისთვის მოკლევადიანი პატიმრობიდან გათავისუფლებული ერთი სუბიექტი აცხადებდა, რა მოხდა 15 წუთით თუ გადავკეტავთ რუსთაველს და ასე ვიტყვით ჩვენს სათქმელს და ასე შევახსენებთ თავსო.
ეტყობა ტვინის ხვეულები არ ეყო, რომ მიმხვდარიყო, რომ ამით აღიარა, ის რის აღიარებაც ჯოგს არაფრის დიდებით არ სურს. სათქმელი ხალხისთვის აღარაფერი აქვთ.
და თუ იმის შნო და უნარი არ გაქვს, რომ ხალხი ჭკვიანური, გონსა და გულში ჩამწვდომი სიტყვით და აზრით მიიმხრო და შეკრიბო, რა თქმა უნდა მიმართავ ქუჩის გადაკეტვებს, ფოიერვერკის სროლას და ა.შ.
ამიტომაც ვუწოდე რუსთაველზე 365 დღე მორბენალებს “ჯოგი,” რადგანაც ჯოგური ინსტიქტებით და არა გონით მოქმედებენ, იმიტომ რომ გონის მწვავე დეფიციტი აქვთ. ჰოდა, სწორედ ეს აღიარა იმ საპატიმროდან გამოსულმა მათმა წევრმა.
ჯოგს კი შესაბამისი ადგილი უნდა მიუჩინო, და ახალი კანონიც ამას ითვალისწინებს. იჯოგონ ცალკე, ნორმალური და მშვიდობიანი მოქალაქეებიგან შორს“, – წერს სოციალურ ქსელში ზაალ ანჯაფარიძე.
