“ქართული ოცნების” ერთ-ერთი ლიდერი, დიმიტრი (დიტო) სამხარაძე საპროტესტო აქციების პოლიტიკურ შეფასებას ახდენს:
“საქართველოს ვერ დააჩოქებთ‼️ ვერ გატეხავთ ქართველ ხალხს და ვერაფერსაც ვერ გვავნებთ‼️
გუშინ ორი აქცია ვნახეთ, ორივეს რეალური დანიშნულება ჩვენი ქვეყნის დასუსტებაა და ფულს ჩვენი ქვეყნის უცხოელი მტერი იხდის! ამ ორ აქციას შორის მხოლოდ ერთი განსხვავებაა, ამ ეტაპზე პირველ აქციას, მოტყუებული უფრო მეტი ესწრებოდა, ვიდრე მოსყიდული. მაგრამ ვიმეორებ, ამ ეტაპისთვის ჩავთვალოთ, რომ ასე იყო!
გახსოვთ ალბათ ნაცური აქციები, მოტყუებული რომ იგებდა სიმართლეს, ემიჯნებოდა და 2% რჩებოდა მათთან! ისე ადრე, იმ პირველი აქციის ორგანიზატორებსაც დაემართათ იგივე, რაც ნაცებს! ჰომოსექსუალების კვირეული ხომ გახსოვთ? უამრავი მოქალაქე ავიდა მაშინ ლისზე, მინიმუმ 20 000 მომიტინგე, როდესაც ვიღაცეებს თავში აუვარდათ და ეს ხალხი მათი მიყვანილი ეგონათ, დაივიწყეს გეები და რუსთაველზე მიიპატიჟეს მომიტინგეები “ქართული ოცნების” ხელისუფლების საწინააღმდეგო აქცის მოსაწყობად! მადა გაეხსნათ და რა მიიღეს? 20000-დან 800(რვაასი) კაცი გაჰყვა!
აქციებს რომ დავუბრუნდეთ, მიხვდნენ რომ საქართველოს მოსახლეობას ასე ადვილად უკვე ვეღარ მოატყუებენ, ვერც ნაყიდი და ვერც გასაყიდად მომზადებული ვითომ ჩვენი ქვეყნის დამცველები და ახლა ახალი დავალებაც მიიღეს! გაერთიანდითო!
გაერთიანდებიან ნაცურებიც, აკაცუკებიც და ის 800 კაცუნაც, რომლებიც ვითომ ჰომოსექსუალისტებს ებრძოდნენ და რეალურად პოლიტიკური პროსტიტუციით იყვნენ დაკავებულები!
P.S. ნეტავ “ანიტა” რამ გამახსენა?🤷🏻♂️” – წერს სოციალურ ქსელში დიმიტრი სამხარაძე.
