ხელისუფლების წარმომადგენლების განცხადებებს, რომ საპროტესტო აქციებზე გამოყენებული ნივთიერებები წინა ხელისუფლების დროს იყო შეძენილი, კონკრეტული მინიშნებებით ეხმაურება პარლამენტის ყოფილი დეპუტატი, რომან გოცირიძე:
“იმ ხელისუფლების დროს იყო შემოტანილი ქიმიური ნივთიერებაო. იმ ხელისუფლების დროს ავტომატებიც იყო შემოტანილი.
დამნაშავე ის კი არაა, ვინც შემოიტანა, არამედ ის, ვინც გამოიყენა.
რუსთავის “აზოტი” რომ მინერალურ სასუქებს უშვებს, წყალში რომ გახსნა და ხალხი დაწამლო, ეს ქარხანა იქნება დამნაშავე? შემოტანა სულაც არაა საჭირო, აგერ ყურისძირშია.
ვერ გაიმართლებენ თავს “შემომტანებზე” გადაბრალებით, ეს სიმართლეც რომ იყოს.
თანაც, დოზასაც გააჩნია – ყვითელი ნიაღვარი რომ მიედინებოდა რუსთაველზე, ამ ზომით შერევა, აკრძალული ნივთიერება რომც არ ყოფილიყო, მაინც დანაშაულია“, – წერს რომან გოცირიძე ფეისბუქის პირად გვერდზე.
