“სარკოზი ციხიდან გაუშვეს, მე კი დამაბრუნეს…” – აცხადებს მიხეილ სააკაშვილი

კონკრეტულ ფაქტებზე და საფრთხეებზე აკეთებს მინიშნებას საქართველოს მე-3 პრეზიდენტი, მიხეილ სააკაშვილი:

“სარკოზი ციხიდან გაუშვეს, მე კი დამაბრუნეს 🙂

ჩემს რუსთავში გადაყვანამ გამახსენა ჩემი ნაცნობის, ალექსეი ნავალნის ეტაპირება, მის საბოლოო პატიმრობის ადგილას, სადაც მოხდა ის რაც მოხდა. ნავალნისაც სწორედ მეორეჯერ მოწამვლისას მოუღეს ბოლო.

რაც შეეხება საერთო სიტუაციას, მე არ ვეთანხმები, რომ დიქტატორი ახლა გადასულია მძევლებით ვაჭრობის ეტაპზე, სინამდვილეში ის ახლა დაკავებულია პროტესტის ცეცხლის ბოლომდე ჩაქრობით.

თუ ის ამას მოახერხებს, მაშინ გადაწყვეტს, რომ დაჭერები მუშაობს და კიდევ მეტს დაიჭერს, ხოლო თუ მოახერხა და მძევლები გაცვალა ამერიკელებთან ვაჭრობაში, ეს ძალიან ცუდი ამბავი გახდება დანარჩენი საქართველოსთვის, იმიტომ რომ მძევლების გათავისუფლების სანაცვლოდ ის მიიღებს ლეგიტიმაციას და დიქტატურის ჩაბეტონების შესაძლებლობას“, – აცხადებს მიხეილ სააკაშვილი.