კონკრეტული პოლიტიკური პრიორიტეტების გამოკვეთას ახდენს პარტია “ფედერალისტების” ერთ-ერთი ლიდერი, თბილისის ორგანიზაციის ხელმძღვანელი თამარ ჩერგოლეიშვილი:
“სინამდვილეში არავინ ვიცით ბიძინა ივანიშვილის თავში რა მოიხარშება, არჩევნებს დანიშნავს თუ წურბელების კისერზე შემოსმას შემოიღებს სავალდებულო ნორმად.
ივანიშვილის რეჟიმი დიდი ხანია გასულია საკონსტიტუციო ჩარჩოებიდან, დიდი ხანია თავზე გადაახია საზოგადოებას ეგ დოკუმენტი და ფარატინა ქაღალდზე გადასარჩენი არაფერია!
ქვეყანაა გადასარჩენი რეჟიმისგან, იმისათვის რომ კონსტიტუცია რელევანტური გახდეს.
ეს მხოლოდ ქუჩიდან, ბევრი ხალხის წნეხით მოხდება და არა “ოცნების” მიერ ავტოკრატიულად მოსუფთავებულ ველზე არჩევნებობანას თამაშით.
ივანიშვილის თავში მიმდინარე ბიოქმიურ პროცესში ძრომიალი კურდღლის სოროა და არავის ვურჩევ.
აქცია! სანქცია! დემოკრატიული ალტერნატივა!
აი ამაზეა სამუშაო, ესაა ჩვენი გასაკეთებელი, ეს ვიცით ზუსტად და ამაზე ვიმუშავებთ მტკიცედ, მშვიდად, ბოლომდე“, – აცხადებს თამარ ჩერგოლეიშვილი.
