“ქართული ოცნების” აქტიური მხარდამჭერის, მანანა (მანჩო) გიორგობიანის მიერ დახმარების სათხოვნელად პატრულის ნაცვლად კონკრეტული პირებისთვის დარეკვას, რომელთა შორისაც გარდაცვლილი მომღერლის, მამუკა ჩარკვიანის ვაჟი, ჯაკო ჩარკვიანი იყო, კონკრეტული შეკითხვებით და შეფასებებით ეხმაურება პარტია “კანონი და სამართლის” თავმჯდომარე, პარლამენტის ყოფილი დეპუტატი, თაკო ჩარკვიანი და გარკვეული პერიოდის წინ გიორგობიანის მიერ გამოქვეყნებულ ფბ-სტატუსზე მიანიშნებს:
“აი ამ პოსტის ავტორმა, ამ ხელისუფლების მეხოტბე გიორგობიანმა, რატომ არ დარეკა მისთვის სათაყვანებელ პატრულში.
ვიმეორებ, რომ ძალადობას – მოძალადეებს გამართლება არ აქვთ!!
მაგრამ ლეგიტიმური კითხვები გვაქვს, რადგან ჩანს, რომ კარგად დაგეგმილი პროვოკაცია იყო – ეს ფაქტია“, – წერს თაკო ჩარკვიანი ფეისბუქის პირად გვერდზე.
