“კოალიცია ცვლილებებისთვის” ერთ-ერთი ლიდერი, მარიკა არევაძე პირად განცდებზე საუბრობს და საზოგადოებას აქტიურობისკენ მოუწოდებს:
“ორი რამ მაძლიერებს და მაძლებინებს ამ მძიმე ბრძოლაში ყველაზე მეტად:
1. დამოუკიდებლობის და შესაბამისად ქვეყნის დაკარგვის შიში და
2. გამარჯვების რწმენა
არაა მარტივი გამოხვიდე კომფორტის ზონიდან, საკმაოდ ნორმალური ცხოვრება დათმო და იცხოვრო მუდმივ ბრძოლაში, სტრესში, ეკონომიკურ პრობლემებში, ქუჩაში და ა.შ.
ასეთი მარტო არ ვარ და ბევრი გაიგებთ ამ სიტყვების შინაარს, რადგან დღეს ქვეყნისთვის უმრავლესად ასეთი ხალხი იბრძვით.
ამ ყველაფერში:
- ყველაზე მძიმე ახლობელი ადამიანების დუმილია. იმ ხალხის, ახლა რომ პარლამენტიდან ვიწონებდე თავს გარშემო რომ აირეოდნენ და მათზე მეტი გულშემატკივარი არ მეყოლებოდა;
- ყველაზე მაგარი უამრავი ახალი და ღირებული ადამიანის, მეგობრის შეძენაა.
ამ ბრძოლას ერთიანობა და ერთმანეთის მხარდამხარ ყოფნა მოგვაგებინებს.
ასე რომ მოიკრიბეთ ძალები, მორჩით ერთმანეთში ჩხუბს და კონცენტრირდით მთავარზე. ჩვენ უნდა მოვუტანოთ გამარჯვება და განვითარება ჩვენს სამშობლოს 🇬🇪🇪🇺“, – წერს მარიკა არევაძე ფეისბუქის პირად გვერდზე.
