ოპოზიციონერი პოლიტიკოსი, პარლამენტის ყოფილი დეპუტატი, ეკა ხერხეულიძე ყოფილ მთავარ პროკურორ, პოლიტიკოს, ამჟამად პატიმრობაში მყოფ მურთაზ ზოდელავასთან დაკავშირებით წლების წინანდელ ისტორიას იხსენებს და ემოციურ შეფასებებს აკეთებს:
“ახლა ჟურნალისტი შემეხმიანა, მურთაზი მართლა წესიერი ბიჭიაო?!🙂
ეს არის ინსპირაცია იმ ზედმეტად სასაცილო და სევდიანი ისტორიისა, რისი მოყოლა არც ვიცი კორექტულია თუ არა.
მოკლედ,
2012 წ. ფეხი რომ არ მოუცვლია, იცით… გენპროკურორის კაბინეტში დახვდა ქოცებს, გადააბარა მიმდინარე საქმეები და ცოტა ხნით წავიდა ევროპაში. ძალიან მალე დაბრუნდა. ვერ გაჩერდა… მაგრამ, ეს არ არი ის, რისი მოყოლაც მსურს…
ერთ მშვენიერ დღეს, სარფის საბაჟოდან მირეკავს ახლობელი…
– ეკა, ეს მურთაზ ზოდელავა ხო ნაღდად გენპროკურორი იყოო?
– კი თქო…
– რანაირადო, ტო...
– რა მოხდა თქო…
– გამოვშტერდითო, თვითმფრინავის ბილეთის ფული არ ჰქონდაო?
– რა ხდება-თქო
– ტიპი ბუდაპეშტიდან დანგრეული მანქანით ჩამოვიდა და უარესს გეტყვიო, მანქანის სახურავზე ტელევიზორი ადგასო…
ნუ, რა ვიცი, გავატარე ეს ამბავი, ყოველდღე ვიღაცას იჭერდნენ, არ გამხსენებია…
გავიდა დრო, მოვიდა ჩემთან, გამახსენდა და ვეკითხები:
– რა ტელევიზორი მოგქონდა-თქო?
– იქ ბიჭებმა ნაქირავები სახლისთვის მიყიდეს და ბავშვს ჩამოვუტანე, მე კიდე როდის შევძლებ პლაზმური ტელევიზორის ყიდვასო…
მაშინ ბევრი ვიცინე და ახლა მეტირება მურთაზის ირგვლივ ძალადობას და ძალადობის დასაორგანიზებელ ფულს რომ ეძებთ, კორუფციაში ჩაფლულო ქოცებო…“, – წერს ეკა ხერხეულიძე ფეისბუქის პირად გვერდზე.
