“ქართული ოცნების” ხელისუფლებასი მოსვლის 13 წლისთავთან დაკავშირებით, პარტიის საპატიო თავმჯდომარემ, ბიძინა ივანიშვილმა, თავის ვრცელ წერილში, დეტალურად მიმოიხილა სხვადასხვა საკითხი და პოლიტიკური შეფასებები მისცა ცალკეულ მოვლენებს.
აღნიშნულ წერილს, პოლიტიკური შეფასებებით ეხმაურება “სტრატეგია აღმაშენებლის” ერთ-ერთი ლიდერი, პაატა მანჯგალაძე:
“ივანიშვილის მიერ გავრცელებული „მიმართვა“ სხვა არაფერია, თუ არა 4 ოქტომბრის შიშის პირდაპირი აღიარება.
მის ტექსტში მთავარია არა იაფფასიანი შათირიშვილისტური ბოდვა, გამოგონილ მტრებზე, არამედ ის ფაქტი, რომ თავად ივანიშვილმა გადაწყვიტა 4 ოქტომბერზე საჯაროდ დაწეროს. ეს ნიშნავს, რომ მას ნამდილად აშინებს ქართველთა ერთიანობის ძალა.
მსოფლიო პოლიტიკის ისტორიამ არაერთხელ აჩვენა, როდესაც რეჟიმი იწყებს პრევენციულ თავის მართლებას, ეს ამტკიცებს შიშს და იმას, რომ მისი რწმენა შეირყა.
მაგრამ ეს შიში მხოლოდ მათი სისუსტის გამოხატულება კი არაა ეს არის ჩვენი, ქართველთა ერთიანობის ძალის მტკიცებულება! ივანიშვილი გრძნობს, რომ სწორედ ხალხის ერთიანობა აქცევს 4 ოქტომბერს გარდამტეხ დღედ.
ეს დღე იქნება არა მხოლოდ პროტესტის, არამედ საქართველოს მომავლის არჩევანის დადასტურების დღე, რომ თავისუფლება არის ჩვენი არჩევანი და მას ვერავინ დაბლოკავს და მიიტაცებს.
4 ოქტომბერს ქართველი ხალხი ერთხმად იტყვის მთავარ სიტყვას: უზურპატორი უნდა წავიდეს! უზურპატორი უნდა დაემხოს!
4 ოქტომბერი ქართველთა გამარჯვების დღეა!
ირწმუნე, მოდი, გაიმარჯვე!“- აცხადებს პაატა მანჯგალაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
