პატიმრობაში მყოფი, თანაინვესტირების ფონდის ყოფილი ხელმძღვანელის, გიორგი ბაჩიაშვილის მშობლების მიმართ სისხლის სამართლის საქმისწარმოების დაწყებას ეხმაურება ტელეკომპანია “კავკასია”-ს გენერალური დირექტორი, ნინო ჯანგირაშვილი და მწვავე შეფასებებს აკეთებს “ქართული ოცნების” საპატიო თავმჯდომარის, ბიძინა ივანისვილის მიმართ:
“დესპოტმა ივანიშვილმა ბაჩიაშვილის მშობლების წინააღმდეგაც აღძრა საქმე, შვილთან “თანამონაწილეობის“ გამო. ეს ის ზღვარია, რომელიც მგონი ყველაზე ნაძირალა დიქტატორებს და ტირანებსაც იშვიათად გადაულახავთ.
ეს ყველაფერი “დააკანონა“ მისი მონების პარლამენტის მიერ. ეს იმას ნიშნავს, რომ ხვალ თუ მოუნდა, მაგალითად, კენტ რიცხვებში ქერების გაროზგვას, ლუწ რიცხვებში კი მუქთმიანების გაროზგვას დააკანონებს.
ეგეთ ქვეყანაში როგორ შეიძლება მშვიდად იცხოვრო ერთი დღეც კი? ქოცებო, ნუთუ ვერ ხვდებით, რომ ხვალ ნებისმიერი თქვენგანი გახდება ბიძინას სამართლის მსხვერპლი?” – აცხადებს ნინო ჯანგირაშვილი.
