,,ლელო – ძლიერი საქართველოს’’ ერთ-ერთი ლიდერი თბილისის ვიცე-მერობის კანდიდატი, ალეკო ელისაშვილი ჟურნალისტებთან კომენტარში მძიმე შეფასებებს აძლევს მელიქიშვილის გამზირზე, კახა კალაძის შტაბთან განვითარებულ მოვლენებს:
,,კალაძე არის აგონიაში და აგონიაში მყოფი ადამიანები სჩადიან ასეთ შეცდომებს იმიტომ, რომ ეს იყო მავნებლობა, ეს იყო შეცდომა, ეს იყო ორგანიზებული თავდასხმა. რაღა გააკეთოს კალაძემ არ იცის იმიტომ, რომ მოქალაქეებთან სალაპარაკო პირი არ აქვს. რვა წლის განმავლობაში აბსოლუტურად ყველაფერში გადააგდო თბილისელები, რასაც დაჰპირდა მოატყუა. გრძლად შემიძლია მოვყვე რაში გადააგდო და რას დაჰპირდა.
ძალადობაზე გადადიხარ მაშინ, როცა სალაპარაკო, სათქმელი და არგუმენტი არაფერი გაქვს. გუშინ, რაც მოხდა, ეს არის სისხლის სამართლის დანაშაული. ჩვენ რა ვიხილეთ? ქალებზე თავდასხმა, ჟურნალისტებზე თავდასხმა და საქმიანობაში ხელის შეშლა, ტელეფონების წართმევა – ეს ყველაფერი სისხლის სამართლის დანაშაულია, პოლიციელებზე თავდასხმა “ქართული ოცნების” ვიღაც იდიოტი „ტიტუშკების“ მიერ. პოლიციელებს ურახუნებდნენ თავში. ქაღალდი რომ ესროლეს იმის გამო ზის რამდენიმე პოლიტპატიმარი ციხეში – ქაღალდი და მუყაოს ჭიქა რომ ისროლეს და ამათმა თავში ურახუნეს ბოთლები პოლიციელებს და ვითომ არაფერია!
აგონიაში არიან და განსაკუთრებით ეს ამაზრზენი კალაძე, რომელიც მართლა ქალივით დადის და პლასტიკური ქირურგიის კაბინეტიდან არ გამოდის, ბოტოქსს ბოტოქსზე და ფილერებს რომ იკეთებს და ეს ამბობს, ქალებს სად ხედავთო. რა ქალებს სად ხედავთ, ორი თვალი არ აქვს? რაღაცაზე, რომ ვითომ პრეტენზიები აქვთ ამ გულისამრევებს, რომ კაცობენ და ვითომ ტიპობენ, ეს არის კაცობა ქალს რომ ხელს დაარტყამ?! სად გაიზარდნენ/
[მოძალადეები] იდენტიფიცირებულები არიან, როგორც ვიცი ხალხმა დაადგინა. რა თქმა უნდა, გამოძიება დაიწყება და ისევ აქედან დაიჭერდნენ ხალხს, ეგ ლაჩრები მეტს არაფერს იზამენ, ასე გააგრძელებენ. სანამ ესენი არიან, მათგან, რა სამართალს ველოდებით?! რომ გავყრით, მერე დავიჭერთ ყველას – ვინც პოლიციელს ურახუნებდა, ვინც გოგოებს ურტყამდა და ჟურნალისტებს ხელს უშლიდა, მაგათ ყველას კანონით მიეზღვევა’’, – განაცხადა ალეკო ელისაშვილმა.
ავტორი
მარიამ ხაჩირაშვილი
