“ერთიანობა ნაციონალური მოძრაობის” ერთ-ერთი ლიდერი, გიგი უგულავა მამუკა ხაზარაძისა და ბადრი ჯაფარიძის განთავისუფლებას მიესალმება, თუმცა აქვე პოლიტიკურ შეფასებებს აკეთებს და მკვეთრად ნეგტიურ შეფასებას აძლევს მათი პარტიის გადაწყვეტილებას 4 ოქტომბრის არჩევნებში მონაწილეობასთან დაკავშირებით:
“მე ძალიან და გულწრფელად გამიხარდა მამუკა ხაზარაძისა და ბადრი ჯაფარიძის განთავისუფლება. ან საერთოდ როგორ შეიძლება ადამიანს არ გაგიხარდეს უკანონოდ დაკავებულების განთავისუფლება და რომ ისინი უკანონო, პოლიტიკურ ტყვეობაში იყვნენ ამაზე საერთოდ არ ვდავობთ, ცხადია, თუ ქოცი არ ხარ.
ამიტომ ამ ნაწილში უსინდისობაა ადამიანს რაიმე აძახო. მათი დაჭერაც პოლიტიკური აქტი იყო, გამოშვებაც. არც დაჭერას ეკითხებიან პატიმარს და არც გამოსვლას. აქ წერტილი.
პოლიტიკურ მხარეს რაც შეეხება, ჩემთვის “ლელო” დამთავრდა მაშინ, როცა 4 ოქტომბრის ფარსში გადაწყვიტეს მონაწილეობა და ეს არჩევანი მათ დაჭერამდე გააკეთეს. ეს უპატიებელი, ისტორიული და ამორალური შეცდომაა. ამ შეცდომის შედეგებს სამწუხაროდ ქვეყანა და თვითოეული ჩვენთაგანი კიდევ მოვიმკით.
სამწუხაროდ, არც იმის მჯერა, რომ უარს იტყვის ლელო 4 ოქტომბრის ბელარუსიზაციის გაფორმებაში მონაწილეობაზე. ძალიან გამიხარდებოდა, მაგრამ არ მჯერა.
თავისუფლება რეჟიმის ყველა ტყვეს✌🏻“, – წერს გიგი უგულავა ფეისბუქის პირად გვერდზე.
