“ეს რეჟიმი ტყუილზე და ძალადობაზე დგას და მხოლოდ ერთ ბოროტ ადამიანს ემსახურება” – პაატა მანჯგალაძე

ქვეყანაში მიმდინარე პროცესებთან დაკავშირებით მწვავე შეფასებებს აკეთებს “სტრატეგია აღმაშენებლის” ერთ-ერთი ლიდერი, პაატა მანჯგალაძე:

“ნუთუ ვერ ხედავ, როგორ ექცევიან ახალგაზრდებს ქუჩაში? ვერ ხედავ, როგორ ასამართლებენ სრულიად უდანაშაულო გოგო-ბიჭებს? როგორ აცხადებენ მტერს მოყვარედ და მოყვარეს მტრად? როგორ აბრალებენ შენს სამშობლოს ომის დაწყებას? როგორ დასცინიან ჩვენს გმირებს?

და კიდევ ათასი სხვა უსამართლობა.

თავს ნუ გვაჩვენებ ისე, თითქოს არაფერს ხედავ და არაფერი გესმის. ყველამ ვიცით, რა ხდება. ყველამ ვიცით, რომ ეს რეჟიმი ტყუილზე და ძალადობაზე დგას და მხოლოდ ერთ ბოროტ ადამიანს ემსახურება. ვიცი, შენც არ გჯერა რეჟიმის პროპაგანდის, მაგრამ სარგებლის ან შიშის გამო აკეთებ ამას.

სწორედ ამიტომ ხარ სისტემის ნაწილი. და მერე რაც არ უნდა თქვა “მე რა შუაში ვარ”, “მე უბრალოდ ვმუშაობ” — ეგ აღარ გამოვა.

არჩევანი მარტივია: ან დგახარ სიმართლის და საქართველოს მხარეს, ან ემსახურები ტყუილს და ძალადობას. შუაში ადგილი აღარ დარჩა.

ამიტომ ყველანი 4 ოქტომბერს რუსთაველზე“, – აცხადებს პაატა მანჯგალაძე.

ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს