დასავლეთ საქართველოს სამედიცინო ცენრტის ნერიქირურგიული დეპარტამენტის ხელმძღვანელი სოციალურ ქსელში ემოციურ პოსტს აქვეყნებს. იაკობ ცერცვაძე ბოლოდროინდელ მოვლენებს ეხმაურება და ექიმების მხრიდან ერთმანეთის მიმართ არაკოლეგიალური დამოკიდებულების გამო წუხილს გამოთქვამს.
უცვლელად გთავაზობთ ექიმის სრულ შეფასებას:
„მოგესალმებით, ვინც მე მიცნობს ყველამ იცის რომ ჩემი ძლიერი მხარე არც პოსტის წერა და არც საჯაროდ გამოსვლა არ არის. იმდენი დრო მაქვს ამ კარანტინის დროს პოსტის დაწერა მომინდა. მინდა, ბოლო დროს განვითარებულ მოვლენებს გამოვეხმაურო, ძალიან ბევრ არაკოლეგიალურ გამონათქვამებს წავაწყდი და მე მრცხვენია ყველას მაგივრად. თავიდანვე დავაფიქსირებ ჩემ აზრს რომ რა თქმა უნდა დასავლური და ევროპული მედიცინა ჩემთვის ძალიან მისაბაძი და დასანერგია საქართველოში, მეტსაც გეტყვით საერთოდ ნამყოფი არ ვარ ეგეთ წოდებულ სსრკს უმეტეს ქვეყნებში ასაკის გამო, მაგრამ რასაც ბოლო დროს ვუყურებ მინდა გითხრათ ამერიკელო და ევროპელი კოლეგებო თქვენ შეგიძლიათ დიდი დახმარების გაწევა ჩვენთვის პრეპანდემიამდეც შეგეძლოთ და პოსტ. პანდემიის მერეც შეგიძლიათ, ეს არის იმ უამრავი წვდომების გაზიარება ჩვენთვის რაც თქვენთვის მისაწვდომია, ეს არის ელექტრონულ საიტებზე წვდობა, ლიტარატურა, თქვენს კლინიკებში ახალგაზრდა ექიმების და ექთნების Fellowship -ზე წაყვანა, უამრავი ინსტრუმენტების გამოგზავნა, რეფერირებად ჟურნალებში სტატიების გამოქვეყნების დახმარება, სტატიების წერის სწავლა ახალგაზრდებისთვის, მე რომ არა გერმანელი პროფესორი Peter Shmiedek რომელიც რამდენჯერმე იყო თავის ფულით ჩამოსული ჩემს კლინიკაში რამდენიმე თვით, დღემდე მიგზავნის უამრავ ინსტრუმენტებს, გამაგზავნა 10 მდე კლინიკაში მის მეგობრებთან, მე ამას ვერ გავაკეთებდი რასაც დღეს ვაკეთებ ( მიუხედავად იმისა რომ ისეთი ქართველი მენტორები მყავდა მართლა ბოლო 4 წლის განმავლობაში 20 მდე ამერიკულ და ევროპილ კინიკაში ვიყავი სულ მცირე 1 თვით და იქაც არ მინახავს ეგეთი მენტორები, პირფერობა არ მჩვევია დიდად). და თქვენგან ბევრი არ მახსენდება ასეთი, ეხლა ამ პოსტის წერის დროს ვინც გამახსენდა სტუდენტობიდანვე იყო გრიგოლია და გვეხვეწებოდა გერმანიაში გაგიშვებს ჩემი შვილი და ნიკა ვაშაყმაძე რომელიც ექიმებს უშვებს უსასყიდლოდ. თქვენ მეტი შეგიძლიათ და დაგვეხმარეთ. მადლობა,“ – წერს ფეისბუქის პირად გვერდზე იაკობ ცერცვაძე.
ავტორი
ლიკა დევდარიანი
სააგენტო “პარალელის”
რეგიონალური კორესპონდენტი