“დემოკრატია და მშვიდობა დიქტატურისა და ომების წინააღმდეგ” – ლაშა ბუღაძე

ქართველი მწერალი და დრამატურგი, ლაშა ბუღაძე სოციალურ ქსელში წერს აშშ-ს პრეზიდენტის დონალდ ტრამპისა და ევროპელი ლიდერების შეხვედრასთან დაკავშირებით:

,,არაფერია ისეთი იმედის მომცემი და გამამხნევებელი რუსეთის დამპალი იმპერიის წინააღმდეგ მებრძოლი ხალხებისთვის, როგორც აშშ-ს და დასავლური დემოკრატიების ერთობა. ეს უნიკალური ფორმატია. “ახალი ევროპის”, ანუ ყველა ჩვენგანის წარმომადგენელი აქ პრეზიდენტი ზელენსკია, რომელიც ერთი მხრივ თავისი და ჩვენი ქვეყნების თავისუფლებას, მეორე მხრივ კი დასავლურ ცივილიზაციას იცავს.

მკვლელი რუსი ახლა ჩინეთის კომუნისტური პარტიის გენ-მდივნის ჩრდილქვეშ შეეცდება პოზიციის განმტკიცებას. დაპირისპირება კი კლასიკურ ფაზაში შედის: დემოკრატია და მშვიდობა დიქტატურისა და ომების წინააღმდეგ.

ჩვენი ბედიც და პროტესტის წარმატებაც ცხადია დიდწილად ამ პროცესზეა მიბმული”, – წერს ლაშა ბუღაძე.

ავტორი
ნინი ხიჯაკაძე