ევროკავშირის სანქციების და ვიზალიბერალიზაციის შესაძლო გაუქმების თემას პოლიტიკური შეფასებებით ეხმიანება საქართველოს მე-3 პრეზიდენტი, მიხეილ სააკაშვილი:
“ევროკავშირმა მიიღო ახალი უმკაცრესი სანქციები რუსეთის წინააღმდეგ, კერძოდ დასწია ზედა ჭერი რუსული ნავთობის ფასის 60-დან 40 დოლარამდე. ამავე დროს ამერიკამ ინდოეთი დაითანხმა აღარ იყიდოს რუსული ნავთობი. ახლა ამერიკელები უკვე ინტენსიურად მუშაობენ ჩინეთთან ამ მიმართულებით.
თუ სანქციები ბოლომდე ამუშავდა რუსეთის ნავთობ შემოსავლები განახევრდება 140 მილიარდი დოლარიდან 70-მდე.
რუსეთის ფინანსთა მინისტრს განცხადებით რუსეთის მოყვა “იდეალურ შტორმში”, ამასობაში ამავე შტორმში გვითრევს რუსულ-ქოცური კლეპტოკრატიული ბანდა.
ევროკავშირმა უკვე ოფიციალურად წამოუყენა ულტიმატუმი ივანიშვილის მაფიას და დაემუქრა უვიზო რეჟიმის გაუქმებით და ეს პროცედურა ოფიციალურად დაწყებულია.
ჩემთვის ეს განსაკუთრებით მძიმეა, ვინაიდან უვიზო მიმოსვლის მიღების პროცედურები, სწორედ ჩემი ინიციატივით დაიწყო და ეს არის ჩვენი ერთ-ერთი უმთავრესი მონაპოვარი.
ისედაც ამდენი ოჯახია გაყოფილი და უვიზო მიმოსვლის გაუქმება, ახალ რკინის ფარდას ჩამოაფარებს. სამაგიეროდ რუსეთთან გვაქვს უვიზო მიმოსვლა, რომელსაც რუსები იყენებენ, უკრაინის წინააღმდეგ ომში, საქართველოს მოქალაქეების შესატყუებლად.
ყველა მოსახვევში, ბანდამ, საქართველო მყარად მოაქცია წაგებულთა ბანაკში და მანდედან თავის დაძვრენას, დასჭირდება ჩვენი მოქალაქეების ტიტანური ძალისხმევა“, – აცხადებს მიხეილ სააკაშვილი.
