თევდორე მღვდლის ქუჩაზე მდებარე ავარიული კორპუსის ჩამონგრევასთან დაკავშირებით თბილისის მერის, კახა კალაძის განმარტებას, რომ “კორპუსი იყო ავარიული… ეს იცოდა ადგილობრივმა მოსახლეობამ“, მწვავე შეფასებებით ეხმაურება “სტრატეგია აღმაშენებლის” ერთ-ერთი ლიდერი, სერგო ჩიხლაძე:
“ისევ ქალაქელებს დაგვაბრალა!
ეს კაცი არის ბოროტი და ემსახურება ბოროტებას. ბოროტებას კი იცით რა ასაზრდოებს?
აი, ყოველ ჯერზე, როდესაც ის მსხვერპლს დაადანაშაულებს და არა საკუთარ გულგრილობას;
ყოველ ჯერზე, როდესაც უტიფარ ტყუილს გვეტყვის;
ყოველ ჯერზე, როდესაც ქალაქელებს შეურაცხყოფას მოგვაყენებს;
ყოველ ჯერზე, როდესაც ჩვენი, ქალაქელების მილიონს ჯიბეში ჩაიკუჭავს;
ყოველ ასეთ ჯერზე, რომ გაქანდებით და მის მდაბიო მატრაბაზულ პოსტებს “დაუგულებთ”, სწორედ თქვენი ეს “დაგულება”, პირფერობა და მლიქვნელობა ასაზრდოებს ბოროტებას.
ან კი რა გჭირთ ასეთი, ამ სულით პლებეის რომ არ ეპირფეროთ?!
ბოროტება უნდა განიკვეთოს, იზოლირდეს მორალურად და სოციალურად!” – წერს სერგო ჩიხლაძე ფეისბუქის პირად გვერდზე.
