“კარგი იქნება, თუ ბოიკოტის მომხრეები თავს დაანებებენ განსხვავებული აზრისთვის მათივე თანამებრძოლების ლანძღვას” – გია ხუხაშვილი

ანალიტიკოსი გია ხუხაშვილი ბოიკოტის მომხრეებს კონკრეტული მინიშნებებით მიმართავს:

“კარგი იქნება, თუ ბოიკოტის მომხრეები თავს დაანებებენ განსხვავებული აზრისთვის მათივე თანამებრძოლების ლანძღვას და კარგად აგვიხსნიან, თუ როგორ და რა რესურსებით აპირებენ ქუჩიდან ხელისუფლების ცვლილებას.

ეს უნდა გააკეთონ იმის გათვალისწინებით, რომ ხელისუფლების იზოლირება დასავლეთის მხრიდან, მხოლოდ შიდა პოლიტიკური პროცესის დამხმარე ინსტრუმენტია და არაუმეტეს ამისა.

თუ ამას კარგად აგვიხსნიან, შეიძლება ჩვენც შევიცვალოთ აზრი და მათ გავყვეთ.

ფეხების ბაკუნით, ყალბი ილუზიებით სისტემის ავტომატურ ჩამოშლაზე და თუნდაც პირადი გმირობის მაგალითებით პოლიტიკური ომის მოგება შეუძლებელია.

რევოლუციასაც კი ლეგიტიმური წინაპირობა და დრო ჭირდება. მე ასეთი მხოლოდ არჩევნების დღე ვიცი. თუ თქვენ რამე იცით (ე.ი. სუს-მაც იცის) და საიდუმლოდ ინახავთ, დროა გვითხრათ“, – წერს გია ხუხაშვილი ფეისბუქის პირად გვერდზე.