“მე მსოფლიო ჩემპიონი ვარ“, – ემოციურად მიმართა საზოგადოებას მერაბ დვალიშვილმა, მორიგი გამარჯვების შემდეგ. “ამერიკას გაუმარჯოს! UFC-ს გაუმარჯოს! საქართველოს გაუმარჯოს!” ამ შეძახილებით აიყოლია დარბაზი მერაბ დვალიშვილმა.
აღსანიშნავია, რომ გამართულ ბრძოლას აშშ-ის პრეზიდენტი, დონალდ ტრამპიც დაესწრო, მეტოქის, შონ ო’მალის დამარცხების შემდეგ მერაბ დვალიშვილი მივიდა და პირველი მილოცვაც აშშ პრეზიდენტისგან მიიღო.
ემოციური იყო მერაბ დვალიშვილის პირველი კომენტარი, გამარჯვების შემდეგ:
“ახლა კარგი მომენტია, პრეზიდენტი ტრამპი გვესწრება.
მე მსოფლიო ჩემპიონი ვარ. მიხარია, რომ შემიძლია, ახალი თაობისთვის შთაგონების წყარო ვიყო.
მთავარია, მიზანი გქონდეს და შენი თავის გჯეროდეს, ყველაფერი შესაძლებელია.
მადლობა ჩემ გუნდს, ჩემ მწვრთნელებს. ჩემი ქვეყანა მოტივაციას მაძლევს – საქართველო, მიყვარხარ!” – განაცხადა მერაბ დვალიშვილმა.
ინფორმაციისთვის: 2024 წლის 15 სექტემბერს მერაბ დვალიშვილმა შონ ო’მალი დაამარცხა და UFC-ის ჩემპიონი გახდა.
