ანალიტიკოსი ლელა ჯეჯელავა, ქვეყანაში შექმნილ რეალობასთან დაკავშირებით, მძიმე ფაქტებზე საუბრობს:
“სააკაშვილს ბრალად სდებდნენ ახალი სახეობის ქართველის გამოყვანა უნდაო. ნამდვილად უნდოდა “გრუზინის” გაქართველება, მაგრამ ჩანს, რომ არ გამოუვიდა.
სამაგიეროდ ბატონმა ბიძინამ, რომელსაც დიდი გამოცდილება ჰქონია თავის ექსპერიმენტულ ლაბორატორიაში ლიფტიორებისგან დირექტორების გაკეთების, 13 წლის განმავლობაში მოახერხა😊 და ძველი ბიჭებისგან პოლიტ. აგიტატორები გამოიყვანა, მოსამართლეებისგან – პროკურორები, პროკურორებისგან – ჯალათები, სუსისგან – პოლიცია, პოლიციელებისგან – ტორო, ქალისგან – ქაჯი, სამშობლოს დამცველი მებრძოლიდან – საჯდომის მცველი მეომარი, პოლიტიკოსისგან – მსახიობი, მსახიობისგან – პოლიტიკოსი, ეპისკოპოსისგან – კანონიერი ქურდი, კანონიერი ქურდისგან – ხელისუფლების პროპაგანდისტი, ფილოსოფოსისგან – ბიზნესმენი, ბიზნესმენისგან – კომბინატორი, მტრისგან მოყვარე მიიღო, მოყვრისგან მტერი შექმნა.
ისე არ მოკლათ ეს კაცი, რომ სიცოცხლეში ძეგლი არ დაუდგათ, რამდენი შრომა დასჭირდა მთავარ არქიტექტორს, რომ გრუზინიდან “ვიში სორტ გრუზინა, ქოცი, შეექმნა!” – წერს ლელა ჯეჯელავა ფეისბუქის პირად გვერდზე.
