ოპოზიციონერი პოლიტიკოსი კობა ხაბაზი, საქართველოს მე-3 პრეზიდენტ, მიხეილ სააკაშვილთან დაკავშირებით საზოგადოებას 5 კონკრეტულ შეკითხვაზე პასუხის გაცემით პოზიციის დაფიქსირებას სთავაზობს:
“არ გვინდა ზოგადი, ქოცური ბლა-ბლა-ბლა, გთხოვთ მიპასუხოთ რომელ პუნქტში არ მეთანხმებით?
შენი უფლებაა მოგწონდეს ან არ მოგწონდეს მიხეილ სააკაშვილი, მაგრამ…
- მიხეილ სააკაშვილი არის პოლიტიკური პატიმარი და მისი გათავისუფლების მოთხოვნა შენი მორალური ვალდებულებაა;
- მიხეილ სააკაშვილი ციხეში ზის რუსეთის დაკვეთით, ამას ითხოვს უშუალოდ პუტინი და თუ შენ გინდა ევროპა და არ გინდა რუსეთი, მიშას გათავისუფლება შენი პატრიოტული ვალდებულებაა;
- მიხეილ სააკაშვილის გათავისუფლება ევროსაბჭოს და ზოგადად დასავლური სამყაროს მოთხოვნაა, ასე რომ თუ შენ მართლა გინდა ევროპა, მიშას გათავისუფლება შენი პოლიტიკური ვალდებულებაა.
(ჩამოთვლილი მოთხოვნების ამორჩევით შესრულება არ მოსულა, ეს ქოცობაა, ასე ქოცები აკეთებენ); - მიხეილ სააკაშვილს პატიმრობის განაჩენი ქოცურმა, სანქცირებულმა სასამართლომ გამოუტანა, ასე რომ თუ გინდა სამართალი, მიშას გათავისუფლება სამართლიანობასთან შენი სამართლიანი ვალდებულებაა;
- უკრაინა, რომელიც ბოროტებასთან უთანასწორო ბრძოლაშია ჩართული ითხოვს მიშას გათავისუფლებას, მათ სჭირდებათ მიშას საერთაშორისო კავშირები, ასე რომ თუ შენ მხარს უჭერ უკრაინას, მიშას გათავისუფლება შენი უკრაინისადმი მხარდამჭერი ვალდებულებაა.
P.S. ღმერთო ჩემო, ახლა დავფიქრდი, რა პუნქტებს ვწერ, ქვეყნის ჭაობიდან ამომყვანის გათავისუფლების მოთხოვნას პუნქტების ჩამოთვლა არ სჭირდება.
#თავისუფლებამიშას!” – წერს კობა ხაბაზი ფეისბუქის პირად გვერდზე.
