“სტრატეგია აღმაშენებლის” ლიდერი, გიორგი ვაშაძე ქვეყანაში შექმნილ ღრმა პოლიტიკური კრიზისზე საუბრობს და პასუხისმგებლობას მმართველ გუნდს, ბიძინა ივანიშვილს, ირაკლი კობახიძეს აკისრებს:
“ივანიშვილსა და კობახიძეს არ უნდათ იმ რეალობის აღიარება რომ ქვეყანა ჩააგდეს ქაოსსა და საერთაშორისო იზოლაციაში.
მივმართავ ივანიშვილს: რა არის თქვენი გზა? მეტი დაჭერები, მეტი ჯარიმები და მეტი იზოლაცია? საქართველოს მარტო დატოვება რუსეთის პირისპირ?
ივანიშვილი იმალება, კობახიძე კი ზიზღითა და სარკაზმით ელაპარაკება როგორც საზოგადოებას, ისე დასავლელ მეგობრებს, თითქოს არაფერი ხდება. რეალურად ფსკერზე ეშვებიან და ქვეყანასაც თან მიათრევენ.
ისინი ცდილობენ კრიზისი სიმშვიდედ გაასაღონ, სანქციები – ჯილდოდ მაგრამ რეალობა ბევრად მძიმეა მათთვის.
სახეზეა ღრმა პოლიტიკური კრიზისი, რომელიც მხოლოდ ჩვენ არ დაგვინახავს, დაინახეს ამერიკაში, ოკეანის გაღმა, საქართველოს მეგობრებმა. სწორედ ამიტომ მიიღო აშშ-ის კონგრესმა საქართველოს მხარდამჭერი “მეგობარი აქტი“ .
გამოსავალი არსებობს:
• ახალი, სამართლიანი არჩევნები
• სინდისის პატიმრების გათავისუფლება
• და დასავლეთთან ურთიერთობის აღდგენა.
საქართველო დგას არჩევანის წინაშე: იქნება ძლიერ ამერიკასა და ევროპასთან ერთად დაცული თუ მარტო, დაუცველი, მიტოვებული, რუსულ ჭაობში ჩაძირული?
დღეს, ამ რეალობის უარყოფა და ბრიყვული გაჯიუტება არის საქართველოს ღალატი და ხალხის გაწირვა.
სწორედ ამიტომ რეჟიმი ვალდებულია დანიშნოს ახალი არჩევნები.
სხვა ყველა მათი გზა ჩიხია და რაც უფრო შორს წავლენ ამ გზით, მით უფრო მძიმე იქნება მათი პოლიტიკური მომავალი!” – განაცხადა გიორგი ვაშაძემ.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
