საპარლამენტო არჩევნების შესაძლო დანიშვნაზე საუბრობს ანალიტიკოსი ლელა ჯეჯელავა და კონკრეტული მინიშნებების გათვალისწინებით, მოსალოდნელ საფრთხეებზე აკეთებს აქცენტს:
“დანიშნავენ თუ არა ქოცები ახალ არჩევნებს? რასაკვირველია, დანიშნავენ რადგან ეს ოპოზიციაზე მეტად მათ ინტერესებში შედის. ნახევრად ორსულ მდგომარეობაში ყოფნა საკმაოდ დიდი ტვირთია “ქართული ოცნებისთვის”. უსაფრთხოების სამსახურის ანგარიშში დასავლელი პარტნიორები და საერთაშორისო ორგანიზაციები მტრულ ძალებად იყოს შეფასებული და კონსტიტუციის 78-ე მუხლი ძალაში იყოს, ეს ნამდვილი ოქსიმორონია.
გარდა ამისა, დილემაა კონსტიტუციაში ჩანაწერი ოკუპირებულ ტერიტორიებთან დაკავშირებით, რისგან გათავისუფლებასაც რუსეთი აქტიურად ითხოვს.
ასე რომ, ოპოზიციური სპექტრი, რომელთაც მიგაჩნიათ რომ ახალი საპარლამენტო არჩევნები არის პროტესტის მთავარი მიზანი, კარგად დაფიქრდით, საკუთარი ხელით ხომ არ გამოუთხრით ამ ქვეყნის მომავალს ძირს. ეს ისე, მერე რომ არ თქვათ არ ვიცოდით, არ გვეგონაო…“, – წერს ლელა ჯეჯელავა ფეისბუქის პირად გვერდზე.
