“მთელი რიგი ცხოველთა უფლებადამცველების გასაგონად – თქვენი დასაწუნი “ლეიბორისტულ პარტიას” არაფერი აქვს” – შალვა ნათელაშვილი

4 აპრილს სახელმწიფო კანცელარიასთან ცხოველთა უფლებადამცველების საპროტესტო აქცია მოეწყო, სადაც ლაშა ჩხარტიშვილს სიტყვით გამოსვლის უფლება არ მიეცა. აღნიშნულ ფაქტს მძიმე შეფასებებით ეხმაურება “ლეიბორისტული პარტიის” თავმჯდომარე, შალვა ნათელაშვილი.

“მთელი რიგი ცხოველთა უფლებადამცველების გასაგონად – თქვენი დასაწუნი “ლეიბორისტულ პარტიას” არაფერი არა აქვს. არავისზე ნაკლები ცუგების მოყვარულნი ჩვენ არ ვართ, ხოლო პარტიის ერთ ერთი ლიდერი ლაშა ჩხარტიშვილი, საერთოდ ცხოველთა უფლებების დამფუძნებელია საქართველოში და მისთვის მიტინგზე სიტყვის არმიცემა, პარტიულობის მოტივით, არის სწორად ივანიშვილის, სუს-ის და ძაღლთა გენოციდის მომწყობი რეჟიმის ინტერესებში, რათა აქაც ჩაანელოს პროტესტის მუხტი.

ცხოველთა დაცვა პირველ რიგში პოლიტიკაა, ისევე როგორც ყველა საზოგადოებრივი მოვლენა, საპირისპიროს მტკიცება და პარტიების დევნა სამუდამოდ დაგიტოვებთ ბიზნეს-ოლიგარქიულ რეჟიმს და ისინი ბოლოს ხალხისთვისაც გაამზადებენ კრემატორიუმებს.

კარგად ბრძანდებოდეთ“, – წერს შალვა ნათელაშვილი სოციალურ ქსელში.