საქართველოში კორონავირუსით კიდევ ერთი პაციენტი გარდაიცვალა, ამის შესახებ ჟურნალისტებს თსსუ-ს პირველი სამედიცინო კლინიკის დირექტორმა ლევან რატიანმა განუცხადა. მისი თქმით გარდაცვლილი 81 წლის ქალბატონია.
„ერთი პაციენტის მდგომარეობა იყო ტერმინალური, პაციენტი გადმოყვანილი იქნა თბილისის ზღვის ჰოსპიტალიდან 3 რიცხვში, მისი მდგომარეობა მიმღებშივე შეფასდა კრიტიკულად, სიცოცხლესთან შეუთავსებელი.
ჩატარებული კვლევებიდან გამოვლინდა ორმხრივი მწვავე პნევმონია, მწვავე რესპირატორული დისტრესი, მწვავე სეფსისი, ანამნეზში, ხაზი მინდა გავუსვა, რომ კლინიკურად გადატანილი ჰქონდა მიოკარდიუმი მწვავე ინფაქტი, მოციცმციმე არითმია, გულის ქრონიკული უკმარისობა, არტერიული ჰიპეტენზია.
მკურნალობის გაგრძელების მიზნით გადაყვანილი იქნა კრიტიკული მედიცინის დეპარტამენტში. ასეთ პაციენტებთან არსებობს სიმპტომური მკურნალობა და არაპატოგენეზური მკურნალობა მიმდინარეობდა პროტოკოლებისა და გაიდლაინების მიხედვით, მაგრამ ჩატარებულმა მკურნალობამ შედეგი ვერ გამოიღო და სამწუხაროდ დაფიქსირდა ბიოლოგიური სიკვდილი,“ – განაცხადა ლევან რატიანმა.
