ტელეკომპანია “კავკასიას” გენერალური დირექტორი, ნინო ჯანგირაშვილი მძიმე შეფასებებს აკეთებს “ქართულ ოცნების” მიმართ და კონკრეტული თხოვნით მიმართავს სპეცსამსახურების ცალკეულ თანამშრომლებს:
“ისეთი ინტენსივობის რუსული ნიაღვარი მოდის საქოცეთიდან, დარწმუნებული ვარ უკვე პირდაპირ ოპერატიულ მართვაზე ჰყავთ აყვანილი ყველა რგოლი რუსებს. ზოგადი გავლენის, დისტანციურად მართვის ან კონსულტაციის დონეზე კიარა, ფიზიკური ყოფნის და ინტერვენციის დონეზე.
ვიცი დღემდე ბევრი პატრიოტი მუშაობს სახელმწიფო სტრუქტურებში, რომლებიც ხედავენ რაც ხდება და გული უსკდებათ, მაგრამ ღიად ხმას არ იღებენ. მინდა ვთხოვო ყველა მათგანს, მაქსიმალურად შექმენით და შეინახეთ მტკიცებულებები.
ამ რუსული სპეცოპერაციის კვალი არ უნდა გაქრეს და სამშობლოს მოღალატეები უნდა დაისაჯონ სამართლიანი სასამართლოთი. ეგ დრო მალე დადგება და ყველა მტკიცებულება ძალიან გამოგვადგება“, – წერს ფეისბუქის პირად გვერდზე ნინო ჯანგირაშვილი.
