ისტორიკოსი, საქართველოს რესპუბლიკის პირველი მოწვევის უზენაესი საბჭოს წევრი, საქართველოს დამოუკიდებლობის აქტზე ხელმომწერი, ბეჟან ჯავახია სოციალურს ქსელში ემოციურ შეფასებას აკეთებს 9 აპრილთან დაკავშირებით:
,,9 აპრილი – საქართველოს დამოუკიდებლობის აღდგენის დღეა!!!
ეს გამარჯვება ქართველმა ხალხმა მოიპოვა დაუღალავი და შეუდრეკელი ბრძოლით.
დიახ ეს, გამარჯვება მოპოვებული იქნა იმ მამაცი ადამიანების ბრძოლით, რომელთაც ყველაზე ძვირფასი, სიცოცხლე შესწირეს ამ ბრძოლას, ამიტომაც თქვა ზვიად გამსახურდიამ 1991 წელს, 9 აპრილს თავის სიტყვაში დამოუკიდებლობის გამოცხადების დროს: “სიმბოლურია საქართველოს დამოუკიდებლობის აღდგენის გამოცხადება 9 აპრილს, ვინაიდან ამ დღეს გადაწყდა საქართველოს ბედი. 9 აპრილის წამებულთა სულები დაგვცქერიან ჩვენ და ხარობენ ზეციურ ნათელში, რამეთუ აღსრულდა ნება მათი, აღსრულდა ნება ქართველი ერისა. გაუმარჯოს დამოუკიდებელ საქართველოს!“
ჩვენ ეტყობა ჩვენს მეხსიერებაში, ისევ ვერ გამოვედით მსხვერპლის როლიდან, ვწუხვარ დღევანდელ დღისთვის დაწერილ ფიცშიც ვერ პოვა ადგილი ჩვენი გამარჯვებისკენ სწაფვამ. არ მინდა იმ ხალხთა რიცხვში ვიყოთ, რომლებიც ამა თუ იმ ერთობას განსაზღვრავდნენ “მუდმივი გარე ზეწოლის” მსხვერპლად.
ეს აყალიბებს დამარცხებებს და უბედურებას ამ ჯგუფების თუ ერთობების მთავარ ამოსავალ წერტილად. არ არის საჭირო მუდმივი მსხვერპლის როლის მორგება „ვიქტიმიზაცია“ და ისტორიის გადაწერა ძველი მითების საფუძველზე, ამას ბიძინაც კარგად ახერხებს!
გაუმარჯოს ახალგაზრდობას, რომელიც არის მზად გამარჯვებისათვის!!!”, – წერს ბეჟან ჯავახია.
ავტორი
ნინი ხიჯაკაძე
