მმართველი პარტიისა და ხელისუფლების თუ სხვადასხვა უწყებების ცალკეული პირებისთვის დაწესებულ სანქციებს ეხმაურება “სტრატეგია აღმაშენებლის” ლიდერი, გიორგი ვაშაძე:
“სანქციები, რომლებიც გუშინ ვიხილეთ, ქართველი ხალხის უწყვეტი პროტესტის შედეგია!
ეს არის საერთაშორისო თანამეგობრობის მკაფიო სიგნალი – ძალადობა, უკანონო დაპატიმრებები და რეჟიმის რეპრესიები დაუსჯელი არ დარჩება.
ივანიშვილის რეჟიმი არის მთავარი საფრთხე და მისი პროპაგანდისტების ზღაპრები გამოგონილ მტრებზე და წულუკიანის ღალატის კომისიის ისტორიის შეცვლის მცდელობა ამ რეალობას ვერ შეცვლის.
რეჟიმის ირგვლივ რკალი ვიწროვდება – ყველა ხვდება, რომ ივანიშვილის ტოვებს საქართველოს მარტოს, დაუცველს, სადაც მხოლოდ სიღარიბე და სანქციებია.
ჩვენი გზა: მეტი ევროპა, მეტი დაცულობა, მეტი ინვესტიცია.
ეს არის თავისუფალი საქართველოს ერთადერთი არჩევანი და გამარჯვების გზა!” – აცხადებს გიორგი ვაშაძე.
ინფორმაციას “სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
